Curso de actuación diante da cámara

Nunha época onde a imaxe prima, é fundamental reivindicar o valor da palabra como vehículo de expresión humana e artística.

Dirixido a todas aquelas persoas que queiran aprender fundamentos básicos de guión e entrar en contacto coa actuación diante da cámara. Consideramos que non hai actrices e actores mellores ou peores, senón intérpretes que están máis ou menos bloqueados.

De outubro a xuño

Melania Cruz e Tito Asorey

Programa do Curso de actuación diante da cámara

Este obradoiro busca ofrecer ferramentas que nos permitan ser conscientes das nosas tendencias expresivas físicas e verbais para poder sacarlles partido e explorar as nosas limitacións para investigar e ampliar novos rexistros. Partindo da análise de secuencias de series de televisión e guións de filmes, entraremos en contacto cos múltiples elementos de significación que forman parte dos procesos de rodaxe e gravación para poder encarnar diversos personaxes e xéneros televisivos e cinematográficos, e sentirnos máis libres á hora de interpretar diante da cámara.